Almaniya ilin sonuna kimi 10 min ukraynalı əsgərə təlim keçəcək

Almaniyanın müdafiə naziri Boris Pistorius bildirib ki, ilin sonuna qədər ölkədə ümumilikdə 10 min Ukrayna əsgəri təlim keçəcək.

Oxu24.com xəbər verir  ki,büdcə danışıqları çərçivəsində Bundestaqdakı çıxışında Pistorius ölkənin müdafiəsinin yaxşılaşdırılması üçün alman ordusuna, müasir silahlara və əsgərlərə sərmayə yatırdıqlarını bildirib.

Almaniyanın qapısı önündə müharibə davam etdiyi zaman ölkənin təhlükəsizliyində heç bir kəsinti ola bilməyəcəyini deyən Pistorius, Müdafiə Nazirliyi üçün büdcədə 71 milyard avro ayrıldığını, xüsusi fond yaradıldığını xatırladıb.

Pistorius Rusiyanın Ukraynaya hücumunun təkcə Ukraynanın suverenliyinə və azadlığına deyil, həm də beynəlxalq nizama və beynəlxalq hüquqa qarşı hücum olduğunu və Ukraynanı bütün səviyyələrdə dəstəkləməyə davam edəcəklərini bildirib.

Almaniyanın da Ukraynaya silah və təlim verməklə dəstək verdiyinə diqqət çəkən müdafiə naziri Pistorius, "İlin sonuna qədər Almaniyada cəmi 10 min Ukrayna əsgəri yetişdirmiş olacağıq",-deyə qeyd edib.

Pistorius bununla bağlı ilk planlaşdırma addımlarının atıldığını və indi lazımi infrastrukturun yaradılmasının vacibliyini bildirib.

Nazir Pistorius Almaniyanın gələcəkdə ümumi daxili məhsulunun (ÜDM) 2 faizini müdafiə sahəsinə sərmayə qoyacağını, beləliklə, müttəfiqlərə verilən sözə əməl ediləcəyini və NATO-da öhdəliklərini yerinə yetirəcəklərini bəyan edib.

 

Müəllif:Afət