Bayden yaşından danışdı

ABŞ prezidenti Co Bayden yaşı ilə bağlı açıqlamaları şərh edərkən, illər keçdikcə yalnız müdrikləşdiyini və siyasi fəaliyyətini davam etdirəcəyini bildirib.

Oxu24.com xəbər verir  ki,bu barədə “İnterfaks”məlumat yayıb.

“Biri dedi: “Bilirsən, Bayden qocalır”. Beləliklə, yaşla gələn yeganə şey bir az müdriklikdir ",-deyə  Bayden bildirib.

O, öz işini hamıdan daha çox gördüyünü və ABŞ vətəndaşlarının köməyi ilə bunu davam etdirməyi planlaşdırdığını vurğulayıb.

Bayden ABŞ-ın keçmiş prezidenti Donald Trampı da tənqid edərək, onun prezidentliyi dövründə ölkənin iş yerlərini itirdiyini deyib.

20 noyabr 2023-cü ildə Baydenin 81 yaşı tamam olacaq.

Bundan əvvəl amerikalı milyarder İlon Mask ABŞ-ın hazırkı prezidenti Co Baydenin yaşı ilə bağlı zarafat edib.

"McConnell və Bayden makiyaj və xüsusi effektlər olmadan Cryptkeeper (Tales from the Crypt televiziya seriyasındakı personaj) rolu üçün sınaqdan keçirilə bilərdi!" Mask yazdı.

Belə ki, Mask Senatda respublikaçıların lideri, 81 yaşlı Mitç Makkonellə fotosunu dərc edən istifadəçilərdən birinin paylaşımına münasibət bildirib.

 

Müəllif: Nigar