İsveçdə rusiyalının məhkəməsi başlayır

Stokholmda ölkəsinin xeyrinə qeyri-qanuni kəşfiyyat fəaliyyəti aparmaqda təqsirləndirilən Rusiya vətəndaşı Sergey Skvortsovun məhkəməsi başlayıb.

Oxu24.com xəbər verir  ki,bu barədə “The Local” məlumat yayıb.

Krallığın prokurorluğunun məlumatına görə, Skvortsovun şirkəti Rusiya hərbi kəşfiyyatı tərəfindən sanksiyalara görə Rusiyaya idxalı qadağan edilən elektron qurğular və müasir texnologiyaların alınması üçün istifadə edilib.

İsveçin nəzarət orqanı hesab edir ki, rus öz hərəkətləri ilə İsveç və ABŞ-ın milli təhlükəsizliyinə “ciddi ziyan vurub”.

Nəşr qeyd edir ki, Skvortsovu 4 ilə qədər həbs cəzası gözləyir.

Bundan əvvəl İsveç prokurorluğu 2022-ci ilin noyabr ayının sonunda Rusiyanın xeyrinə qeyri-qanuni kəşfiyyat fəaliyyətində şübhəli bilinərək saxlanılan şəxsə qarşı ittiham irəli sürmək qərarına gəlib.

Bundan əvvəl Moskvanın Lefortovski Məhkəməsi Spektor adlı xarici vətəndaşı casusluqla bağlı cinayət işi çərçivəsində həbs etdiklərini açıqlamışdı.

Qeyd olunur ki, işin sirri olduğu üçün bu barədə təfərrüatlar açıqlanmayıb.
Rusiya Federasiyası Cinayət Məcəlləsinin “Casusluq” maddəsinə əsasən, kişini 10 ildən 20 ilədək həbs cəzası gözləyir.

Müəllif: Miri Məcidli