MAQATE İranda zənginləşdirilmiş uranın ümumi ehtiyatlarının azaldığını bildirib

Beynəlxalq Atom Enerjisi Agentliyi (MAQATE) İranda zənginləşdirilmiş uranın ümumi ehtiyatının hazırda azalmağa davam etdiyini bildirib.

Oxu24.com xəbər verir  ki,bu barədə TASS AFP-yə istinadən xəbər verir.

MAQATE həmçinin vurğulayıb ki, hazırda İran nüvə sazişi çərçivəsində tətbiq edilən məhdudiyyətlərdən yan keçməyə davam edir.

Bu barədə MAQATE-nin hesabatında məlumat verilib. Aydınlaşdırılıb ki, “İranda zənginləşdirilmiş uranın ehtiyatları sonuncu rüblük hesabatın dərcindən sonra 949 kq azalaraq 3795,5 kq-a düşüb”.

Bundan əvvəl İranın Vyanadakı səfiri Möhsün Naziri Asl bildirib ki, nüvə sazişi ilə bağlı son məsələlərin həlli şansı var. Onun sözlərinə görə, İranın nüvə proqramı üzrə birgə hərtərəfli fəaliyyət planının hazırkı vəziyyəti Amerika siyasətinin və yanlış hesablamalarının nəticəsidir.

Həmçinin İranın xarici işlər naziri Hüseyn Əmir Abdullahiyan Rusiyanın nüvə sazişinin bərpası üzrə danışıqlardakı rolunu dəyərləndirib.

Bundan əvvəl media Avropanın İranla nüvə sazişini pozmaq planlarından xəbər tutmuşdu.

 

Müəllif:Afət