Hindistanda ildırım vurması nəticəsində 10 nəfər ölüb

Hindistanın Odişa ştatında güclü yağışlardan sonra ildırım vurması nəticəsində 10 nəfər ölüb.

Oxu24.com xəbər verir  ki,The Hindu saytının xəbərinə görə, səlahiyyətlilər Xurda bölgəsində 4 nəfər, Bolangirdə 2 nəfər və Anqul, Boudh, Cagatsinghpur və Dhenkanalda hər birində bir nəfərin ildırım vurması nəticəsində öldüyünü bildirib.

Xurda rayonunda isə ildırım vurması nəticəsində 3 nəfər xəsarət alıb.

Hindistan Meteorologiya Xidmətinin (IMD) verdiyi açıqlamaya görə, yaxın dörd gün ərzində ştatın müxtəlif bölgələrində oxşar hadisələr gözlənilir.

Sakinlərə tufan zamanı təhlükəsiz yerlərdə sığınmaq tövsiyə olunub.

 

Müəllif:Nigar