Deputat həbs edildi

Qırğızıstan parlamentinin müxalifətçi deputatı Adaxan Madumarov dövlətə xəyanətdə şübhəli bilinərək həbs edilib.

Oxu24.com xəbər verir  ki,bu barədə RİA Novosti respublikanın Daxili İşlər Nazirliyinə istinadən xəbər verir.

“Qırğızıstan Respublikası Daxili İşlər Nazirliyinin İstintaq Xidməti yüksək rütbəli məmurların dövlətə xəyanət faktı ilə bağlı cinayət işini araşdırır. 2023-cü il sentyabrın 2-də Qırğızıstanın Təhlükəsizlik Şurasının keçmiş katibi Madumarov Adaxan Kimsanbayeviç cinayət işi çərçivəsində saxlanılıb”, - idarənin mətbuat xidmətindən bildirilib.

Onlar qeyd ediblər ki, şübhəli şəxs istintaq təcridxanasında saxlanılacaq, hazırda araşdırmalar davam edir. Başqa şərh verilmir.

Mətndə deyilir ki, iyun ayında ölkə parlamenti Baş Prokurorluğun sorğusundan sonra Madumarovun cinayət məsuliyyətinə cəlb edilməsinə razılıq verib.

Adaxan Madumarov dörd çağırış deputatdır, 2011 və 2017-ci il seçkilərində Qırğızıstan prezidentliyinə namizəd, müxalif Vahid Qırğızıstan Partiyasının lideridir. 2008-ci ilin oktyabrından 2009-cu ilin oktyabrına qədər Qırğızıstan Təhlükəsizlik Şurasının rəhbəri vəzifəsində çalışıb.

 

Müəllif:Nigar