Kürd birləşmələri Suriyanın şimal-şərqində onlara qarşı qiyam qaldıran ərəb qəbilələrinə qarşı hərbi əməliyyata başlayıb.

Oxu24.com xəbər verir ki,bu barədə Fırat agentliyi məlumat yayıb.

Onun sözlərinə görə, kürdlər Deyr əz-Zor əyalətinin ərəb silahlı birləşmələrinin əlində olan Əl-Buseyra və Əş-Şəhil şəhərlərinə doğru irəliləyirlər. Kürd komandanlığının sözçüsü Mahmud Həbib bildirib ki, əməliyyat əyalət sakinlərinin onları “muzdluların silahlı dəstələri”ndən qorumaq üçün “tələblərinə” cavab olaraq həyata keçirilir və regionda təhlükəsizlik və sabitlik bərpa olunana qədər davam edəcək.

Əl Hədəs telekanalı Suriya ordusunun tərəfində döyüşən iranpərəst qüvvələrin dəstəklədiyi ərəb qəbilə silahlılarının Fərat çayının şərq sahilində Deyr əz-Zor şəhərindən İraqla sərhədə qədər olan əraziləri nəzarətə götürdüyünü bildirib. Onlar həmçinin Amerika hərbi bazasının yerləşdiyi El Ömər neft yatağına gedən magistral yolu kəsiblər.

Telekanalın məlumatına görə, yerli tayfaların dəstələri ilə kürd birləşmələri arasında toqquşmalar avqustun 27-də başlayıb. Onların gedişində hər iki tərəf itki verdi.

Müəllif: Nigar