Ekvadorda 6 həbsxanada 57 mühafizəçi və 7 polis girov saxlanılıb

Cənubi Amerika ölkəsi Ekvadorda məhbuslar təhlükəsizlik qüvvələrinin əməliyyatlarına cavab olaraq 6 həbsxanada 57 mühafizəçi və 7 polis əməkdaşını girov götürüblər.

Oxu24.com xəbər verir ki,Milli Həbsxanalar Agentliyinin (SNAI) verdiyi açıqlamada Ekvadorda 6 həbsxanada məhbusların 57 mühafizəçi və 7 polisi zorla saxladığı və bu hərəkətin polis və hərbi birləşmələrin 2015-ci ilin oktyabrında baş vermiş basqına cavab olaraq atıldığı bildirilib. 

Daxili İşlər Naziri Xuan Zapata da mətbuata verdiyi açıqlamada bütün mühafizəçilərin və polislərin Cuenca həbsxanasında saxlanıldığını bildirib: "Bu hadisə ictimai qüvvələrə qarşı bir aksiyadır, çünki polis zorakılıq aktlarında istifadə edilən qadağan olunmuş alətləri müsadirə etmişdir. Biz dövlət işçilərinin təhlükəsizliyindən narahatıq”,-deyə rəsmi məlumatda bildirilib.

Cuenca Həbsxanasından sosial mediada yayıldığı iddia edilən videolarda polis və mühafizəçilərin onların azadlığa çıxması üçün hökumətə çarə axtardıqları ifadə edilib.

Yerli media təhlükəsizlik qüvvələrinin mühafizəçiləri və polis əməkdaşlarını xilas etmək üçün genişmiqyaslı əməliyyata hazırlaşdığını bildirib.

Digər tərəfdən paytaxt Kitodakı Virgilio Guerrero həbsxanasında iğtişaş cəhdinin olduğu, 2-ci və 3-cü mərtəbələrin yandırıldığı, lakin polisin vaxtında müdaxiləsi nəticəsində yanğının söndürüldüyü qeyd edilib. 

Ölkədə zorakılığın ən sıx yaşandığı həbsxanalardan biri olan And Latacunqada əməliyyat keçirən polis və hərbi birləşmələr çoxlu sayda sursat və partlayıcı ələ keçirib.

Əməliyyatdan sonra həbsxanadakı dəstə başçıları təhlükəsizlik məqsədi ilə başqa həbsxanalara köçürülüb.

Hadisədən sonra paytaxt Kito şəhərinin mərkəzində iki bomba yüklü avtomobil 8 saatlıq fasilə ilə partladılıb, 6 nəfər saxlanılıb.

Ekvadorda narkotik qrupları

Ekvador, qonşu Peru və Kolumbiya bu ölkələrdən narkotik ticarəti üçün tranzit məntəqə kimi istifadə olunur.

Ölkədə narkotik qruplarının regional mübarizəsi nəticəsində hər il çoxlu sayda insan ölür.

Müəllif:Nigar