Belarusun Dövlət Sərhəd Komitəsi cümə günü günortadan sonra Polşa hərbi helikopterinin Belarus sərhədini pozduğunu elan edib.

Oxu24.com xəbər verir ki,Departament bu barədə öz Telegram kanalında məlumat yayıb.

Belarus sərhədçilərinin məlumatına görə, Polşanın Mi-24 hərbi helikopteri Qrodno vilayətində Berestoviçski yaxınlığında hava məkanını pozub. Bildirilir ki, helikopter minimum hündürlükdə uçub, dövlət sərhədini 1200 metr dərinlikdə keçərək Belarus ərazisinə keçib və sonra geri qayıdıb.

Belarus hakimiyyəti hadisə ilə bağlı Polşa tərəfini xəbərdar edib. Polşanın müvəqqəti işlər vəkili Belarus Xarici İşlər Nazirliyinə çağırılıb. Ondan “müvafiq izahat verilməsi və hadisənin hərtərəfli araşdırılması” tələb olunub.

Müəllif: Miri Məcidli