Almaniyada rəsmilər  Ukrayna ilə bağlı təmasların başlamasına çağırıblar

Almaniya rəsmiləri özəl olaraq Ukrayna ilə bağlı danışıqların başlanmasının tərəfdarıdırlar.

Oxu24.com xəbər verir  ki,bu barədə “The New York Times” Avropa Şurasının xarici əlaqələr üzrə Berlin ofisinin direktoru Yana Puglirinə istinadən yazır.

"Almaniya rəsmiləri danışıqlar yolu ilə həllə can atırlar və Rusiyanın danışıqlar masasına necə gətirilə biləcəyindən danışırlar",-deyə məlumatda qeyd edilir.

Eyni zamanda, Puglirin qeyd edib ki, məmurlar bunu yalnız təkbətək və beyin mərkəzlərinin etibarlı mütəxəssisləri ilə edirlər.

Onun sözlərinə görə, həm ABŞ, həm də Almaniya münaqişənin əbədi davam etməsini istəmir.

Sentyabrın 1-də Litvanın xarici işlər naziri Qabrielius Landsbergis Ukraynada atəşkəsdən yalnız Rusiyanın faydalanacağını bildirib. Litva, əksər Qərb dövlətləri kimi, Ukrayna ilə bağlı kompromislərə qarşı çıxır, Kiyevin şərtləri ilə sülh bərqərar olana qədər hərbi münaqişənin davam etdirilməsinə çağırır. Onlar Vilnüsdə sülh danışıqlarına başlamaq əvəzinə Ukrayna tərəfinə hərbi dəstəyin artırılmasını və Rusiyaya qarşı sanksiyaların tətbiqini tələb edirlər. Bundan əlavə, Litva Ukraynanın Şimali Atlantika Alyansına daxil olması üçün aydın təminat tələb edir.

 

Müəllif:Afət