Qabonun keçid hökumətinin lideri sentyabrda and içəcək

Dünən Qabonda fəaliyyətə başlayan keçid hökuməti, Qurumların Keçid və Bərpa Komitəsinin rəhbəri general Brice Oliqui Nguema sentyabrın 4-də and içəcək.

Oxu24.com xəbər verir ki,dünən Qabonda fəaliyyətə başlayan Müəssisələrin Keçid və Bərpa Komitəsinin (CTRI) verdiyi bəyanatda general Nguemanın "keçid hökumətinin prezidenti" olaraq sentyabrın 4-də Konstitusiya Məhkəməsi qarşısında and içəcəyi açıqlanıb. .

Respublika Qvardiyasının komandanı general Nguema 2009-cu ilə qədər əvvəlki prezident Ömər Bonqonun köməkçisi vəzifəsində çalışıb.

Atasının ölümündən sonra kürsüyə oturan Ali Bonqo ilə mübahisə edən Nguema Qabonun Rabat və Dakar səfirliklərinə Hərbi Attaşe olaraq göndərilib və ölkədən qovulub.

2019-cu ildən Respublika Qvardiyasının komandanı vəzifəsində çalışan Nguemanın Bonqo ailəsi ilə həm qohumluq, həm də uzun müddətdir davam edən əlaqələri olduğu məlumdur.

Qabonda çevriliş

Mərkəzi Afrika ölkəsi Qabonda milli televiziya binasına daxil olan bir qrup əsgər rəhbərliyi ələ keçirdiklərini açıqlayıb.

Özlərini “İnstitusiyaların Keçid və Bərpa Komitəsi (CTRI)” adlandıran əsgərlər avqustun 26-da keçirilən seçkilərin ləğv edildiyini və ölkə sərhədlərinin bağlandığını açıqlayıblar.

Hazırkı prezident Əli Bonqo Ondimba avqustun 26-da keçirilən prezident seçkilərində üçüncü dəfə qalib gəlib.

Ölkədə səsvermə prosesinin son saatlarında “zorakılıq” səbəbi ilə komendant saatı tətbiq edilib, seçkidən sonra səslərin sayılması prosesi davam edərkən internetə məhdudiyyət qoyulub.

Ata Ömər Bonqo ilk dəfə 1967-ci ildə hakimiyyətə gəlib və 2009-cu ildə dünyasını dəyişəndə ​​oğlu Əli Bonqo onun kreslosunda əyləşib.

Bonqo ailəsi 56 il Qabonu idarə edib.

Müəllif:Nigar