Burkina Faso Nigerə qoşun göndərmək üçün qanun layihəsini təsdiqləyib

Burkina Faso Nazirlər Şurası Nigerə hərbi kontingentin göndərilməsi ilə bağlı qanun layihəsini təsdiqləyib.

Oxu24.com Burkina24 xəbər verir ki, nazirlər bu qərarı Uaqaduqunun strateji öhdəliklərinə uyğun hesab etdikləri üçün veriblər.

Burkina Faso Müdafiə Nazirliyinin rəhbəri Kassoum Coulibalinin sözlərinə görə, Nigerə kontingentin göndərilməsi terrorizmlə mübarizəni təkmilləşdirəcək.

Nazir Nigerin təhlükəsizliyinin Burkina Fasonun təhlükəsizliyi ilə sıx bağlı olduğunu vurğulayıb.

Daha əvvəl bildirilmişdi ki, Seneqal silahlı qüvvələri Qərbi Afrika Ölkələri İqtisadi Birliyinin (ECOWAS) adından Nigerə müdaxilə etmək ehtimalı üçün Beninə keçməyə hazırlaşır.

Hazırda ECOWAS qüvvələrinin bazasının yerləşəcəyi gözlənilən Beninin cənubundakı Kotonu şəhərinə səfərbər edilmiş 900 nəfərin, eləcə də hərbi texnikanın gedəcəyi məlumdur.

 

Müəllif: Miri Məcidli