ABŞ-da qoşunların Əfqanıstandan çıxarılmasının nəticələri müzakirə edilir

ABŞ-ın Əfqanıstandan çıxarılması Amerikanın düşmənlərinə göstərdi ki, bu ölkə öz müttəfiqlərini dəstəkləmir.

Oxu24.com xəbər verir  ki,bu barədə “Fox News” telekanalında ABŞ Konqresinin Nümayəndələr Palatasının Respublikaçılar Partiyasından olan üzvü Mayk Vals bildirib.

“Bu, bütün dünyadakı düşmənlərimizə ABŞ-ın müttəfiqlərini dəstəkləməyəcəyini tamamilə aydınlaşdırdı”, - deyə siyasətçi bildirib.

O qeyd edib ki, Bayden “amerikalıları və on minlərlə əfqan müttəfiqini” tərk edib, ona görə də Çin və ya Rusiya haqlı olaraq Tayvana və ya Ukraynaya da eyni şeyi edə biləcəyini düşünə bilər.

Bundan əvvəl Ağ Evin Milli Təhlükəsizlik Şurasının (MTŞ) strateji kommunikasiyalar üzrə koordinatoru Con Kirbi ABŞ qoşunlarının Əfqanıstandan çıxarılması qərarının düzgün qərar olduğunu bildirib və Vaşinqtona Ukraynaya yardım etmək imkanı əlavə edib.

O, həmçinin qeyd edib ki, qoşunların Əfqanıstandan çıxarılması sayəsində ABŞ beynəlxalq təhlükəsizlik öhdəliklərini yerinə yetirmək, eləcə də Çinlə rəqabət aparmaq iqtidarındadır.

 

Müəllif: Nigar