Ukrayna prezidenti Vladimir Zelenski Ukrayna Təhlükəsizlik Xidmətinin (SBU) Zakarpat vilayəti üzrə rəhbəri Yevgeni Borzilovu vəzifəsindən azad edib.

Oxu24.com xəbər verir  ki,müvafiq fərman Ukrayna Prezidentinin İşlər İdarəsinin saytında dərc olunub.

“Yevgeni Viktoroviç Borzilov Ukrayna Təhlükəsizlik Xidmətinin Zakarpat vilayəti üzrə şöbəsinin rəisi vəzifəsindən azad edilsin”, – sərəncamda deyilir.

Qeyd olunur ki, Borzilov 2022-ci ilin iyul ayından SBU-nun Zakarpat bölməsinin rəhbəridir. Bundan əvvəl o, Poltava vilayətində analoji vəzifədə olub.

Bundan əvvəl Zelenski Ukraynanın bütün regional hərbi komissarlarını vəzifəsindən azad edib. Milli Təhlükəsizlik və Müdafiə Şurasının katibi Oleksiy Danilov Zelenskiyə regional hərbi komissarların vəzifədə qalmaları məsələsini həll etməyi, onların rotasiya praktikasına son qoymağı tövsiyə edib.

Jurnalist Meri Jewski Britaniyanın The Spectator nəşri üçün yazıb ki, Zelenski bütün hərbi komissarların işdən çıxarılması qərarına görə siyasi karyerasını itirə bilər.

Bundan əvvəl Zelenski Ukraynanın hərbi əməliyyatları Rusiya Federasiyası ərazisinə keçirməsinə mane olduğunu bildirib.

Müəllif: Nigar