Balkan qaraçıları Kosovonun Qraçanitsa şəhərində öz icmasının üzvlərindən birinin yerli polis tərəfindən vəhşicəsinə döyülməsi və buna bənzər hadisələrə görə kütləvi etiraz aksiyasına çıxıblar.

Oxu24.com xəbər verir ki,bu barədə Kosovo onlayn məlumat yayıb.

Portalın məlumatına görə, polis idarəsinin qarşısına toplaşan etirazçılar “Zorakılığa son!”, “Biz hamı üçün ədalət istəyirik!” şüarları səsləndiriblər.

“Opre Roma assosiasiyası bəyan edib ki, avqustun 19-da Burhan İbrahimoviç Qraçanitsada polis bölməsində şiddətli döyülüb, həbsdən buraxıldıqdan sonra tibbi yardıma müraciət etmək məcburiyyətində qalıb”.

Qaraçı icmasının nümayəndələrinin sözlərinə görə, belə döyülmə halları vaxtaşırı baş verir, lakin onlar bu barədə məlumat verməkdən çəkinirlər.

Bundan əvvəl tanınmamış Kosovonun parlamentində hakim “Öz müqəddəratını təyinetmə” partiyası ilə müxalif Demokratlar Partiyasından olan deputatlar arasında davanın getdiyi bildirilirdi.

Müəllif: Nigar