Rusiyada avro kəskin bahalaşıb

Rusiyada avqustun 16-dan bəri ilk dəfə avronun məzənnəsi 104 rubl həddini keçib.

 

Oxu24.com xəbər verir  ki,bu barədə Moskva birjasının məlumatında deyilir.

 

Saat 15:10-a "sabah" hesablaşmaları üzrə avronun məzənnəsi 68 qəpik artaraq 103,86 rubl təşkil edir. Avropa valyutasının artımı 0,71 faiz təşkil edib.

Eyni zamanda, bir qədər əvvəl avronun dəyəri 104,08 rubl olub. Bu, avqustun 16-dan bəri ilk dəfədir ki, bu rəqəm qeydə alınır.

Dolların məzənnəsi isə öz növbəsində avqustun 16-dan maksimumu yeniləyərək 86 qəpik artaraq 96,17 rubla çatıb. Yuan 13,16 rubla ticarət olunur.

Bir müddət əvvəl Maliyyə Nazirliyinin keçmiş rəhbəri Mixail Zadornov bildirmişdi ki, bu yay rublun zəifləməsinin açıq-aşkar olmayan səbəblərindən biri də hind rupisinin bahalaşmasıdır.

Xatırladaq ki, rubl iyunun sonunda zəifləməyə başlayıb. Avqustun 14-də Moskva birjasında keçirilən ticarət zamanı 2022-ci ilin mart ayının sonundan bəri ilk dəfə olaraq dollar 101 rublu, avro 111 rublu ötüb.

Rublun zəifləməsi fonunda Rusiya Mərkəzi Bankı avqustun 15-də əsas uçot dərəcəsini birdən-birə 3,5 faiz bəndi artıraraq 12 faizə çatdırıb. Bu qərar, qeyd edildiyi kimi, məzənnənin dinamikasının təzyiqi altında olan inflyasiya təzyiqlərinin artması və inflyasiya gözləntiləri ilə əlaqədar qəbul edilib.

 

Müəllif: Nigar