Rusiyanın Qazaxıstandakı baş konsulu vəzifəsini tərk edib

Qazaxıstan Xarici İşlər Nazirliyi rus dili ilə bağlı sözlərdən sonra Rusiya baş konsulunun ölkəni tərk etdiyini açıqlayıb.

Qazaxıstan Xarici İşlər Nazirliyi respublika məktəblərində rus dilindən istifadənin azalmasından danışan Rusiya Federasiyasının baş konsulu Yevgeni Bobrov diplomatik fəaliyyətini başa vurduğunu bəyan edib.

Oxu24.com xəbər verir  ki,bu barədə orda.kz məlumat yayıb.

İdarənin nümayəndəsi Aybek Smadiyarovun sözlərinə görə, Bobrovun verdiyi məlumat etibarlı deyil.

“Ola bilsin ki, bu adam ölkədə müşahidə etdiyimiz bütün məlumatlardan xəbəri olmayıb. Məndə Təhsil Nazirliyinin məlumatları var, hansı məktəblər hansı dildə dərs deyir. 7711 dövlət məktəbindən 3957-si yalnız qazax dilində tədris olunur. 1203 məktəb rus dilində. 2551 məktəb isə qazax və rus dillərindədir”, - Smadiyarov bildirib.

O, Bobrovun artıq Qazaxıstanda olmadığını və ölkədə işləmədiyini vurğulayıb, “o, diplomatik missiyasını başa vurub”.

Bundan əvvəl Bobrov Qazaxıstanda rusdilli məktəblərin və siniflərin sayının getdikcə azaldığını, qazax dilində təhsil alan birinci sinif şagirdləri üçün nəzərdə tutulan proqramdan “rus dili” fənninin çıxarıldığını iddia etmişdi.

 

Müəllif:Afət