Rusiyada yeni qanun qəbul ediləcək

Gələn həftə hərbi qeydiyyatdan və səfərbərlikdən yayınanların Rusiya vətəndaşlığından məhrum edilməsi haqqında qanun layihəsi baxılmaq üçün Dövlət Dumasına təqdim olunacaq.

Oxu24.com xəbər verir  ki,bu barədə Rusiya Federasiyası Kommunist Partiyasından olan Dumanın Regional Siyasət və Yerli Özünüidarəetmə Komitəsinin sədr müavini Mixail Matveyev öz teleqram kanalında məlumat verib.

"Hərbi qeydiyyatdan və səfərbərlikdən yayındığına görə əldə edilmiş Rusiya vətəndaşlığından məhrumetmə haqqında qanun layihəsi hazırdır və gələn həftə Dövlət Dumasına təqdim olunacaq", - deyə parlamentari bildirib.

Avqustun əvvəlində Müdafiə Komitəsinin rəhbəri Andrey Kartapolov bəyan etdi ki, Dövlət Duması payız sessiyasında səfərbərlik çağırışından yayınmaya görə cinayət cəzası haqqında qanun layihəsini qəbul edə bilər.

Sənədə əsasən, hərbi xidmətdən yayınanlara 500 min rubla qədər cərimə və ya beş ilədək həbs cəzası təklif edilir.

 

Müəllif: Nigar