Scholz: Almaniya 2024-cü ildə ÜDM-in 2%-ni müdafiəyə xərcləməyi planlaşdırır

Almaniya kansleri Olaf Şolz Almaniyanın 2024-cü ildə ÜDM-in 2%-ni müdafiəyə xərcləyəcəyini təsdiqləyib.

Oxu24.com xəbər verir ki,O, bu barədə Passauer Neue Presse qəzetinə müsahibəsində bildirib.

Onun sözlərinə görə, hazırkı 100 milyard avroluq fond tükəndikdən sonra müdafiə büdcəsi çox güman ki, 25 milyard avrodan çox artırılmalı olacaq.

Bundan əvvəl bildirilmişdi ki, Olaf Şolz hökuməti Almaniyanın müdafiə xərclərini NATO standartına qədər 2%-ə çatdırmaq üçün iddialı planı yerinə yetirmək niyyətindədir.

Müdafiə xərclərinin büdcə və 100 milyard avroluq xüsusi fond hesabına artırılmasının planlaşdırıldığı vurğulanır.

Bundan əvvəl Reuters yazıb ki, Almaniya NATO-nun müdafiə xərclərinə dair planı çərçivəsində öz öhdəliklərindən imtina edib.

Nəşrdə qeyd edildiyi kimi, büdcədən maliyyələşdirmə haqqında qanun layihəsində “təcili olaraq” hərbi ehtiyaclar üçün ümumi daxili məhsulun (ÜDM) illik 2%-nin ayrılması bəndi yoxa çıxıb. Bu dəyişiklik o deməkdir ki, Berlin bir il əvəzinə 5 il ərzində müvafiq məbləğdə vəsait xərcləmək üzrə cari öhdəliyinə diqqətini davam etdirə biləcək.

Bundan əvvəl Hollandiya və Danimarka ABŞ-ın Ukraynaya F-16 qırıcılarının göndərilməsinə icazə verdiyini təsdiqləyib.

 

Müəllif: Miri Məcidli