İsveç bu ilin payızında alyansa qoşula bilər

NATO-nun baş katibi Yens Stoltenberq bildirib ki, İsveç bu payızda alyansa qoşula bilər.

 

Oxu24.com xəbər  verir  ki,O, bu barədə SVT telekanalının efirində bildirib.

 

İsveçin bu payızda Şimali Atlantika alyansına qoşulması ilə bağlı sualı cavablandıran Stoltenberq, "Mən həmişə konkret tarixlərə diqqət yetirirəm, amma optimistəm",-deyə bildirib.

Bundan əvvəl Türkiyə prezidenti Rəcəb Tayyib Ərdoğan bildirmişdi ki, Ankara Türkiyə parlamentinin İsveçin NATO-ya üzvlük müraciətinə nə qədər müddətə baxacağını hələ bilmir. İsveçin NATO-ya qəbulu ilə bağlı protokollar Türkiyə Böyük Millət Məclisinə göndərilib və bu məsələ ilə bağlı tez bir zamanda qərar verə bilər, lakin İsveç “vədlərinə sadiq qalmalıdır”, deyə Ərdoğan bildirib.

İsveç 2022-ci ildə NATO-ya üzvlük üçün müraciət edib. Türkiyə Alyansın üzvü olmaqla, Ankaranın üzvlük sənədini ratifikasiya etməsi üçün Stokholmun yerinə yetirməli olduğu şərtləri qoydu. Nəticədə Ankara İsveçin ratifikasiya ərizəsini Parlamentə göndərəcəyini vəd edib. Bunun payızda baş verəcəyi gözlənilir. Xatırladaq ki, daha əvvəl İslam Əməkdaşlıq Təşkilatı ölkələrinin xarici işlər nazirləri müsəlman dövlətlərini Quranın yandırılması planlaşdırılan hərəkətlərə cavab verməyə çağırıblar. Bağdadda etirazçıların İsveç səfirliyinə basqın etməsindən sonra vəziyyət daha da pisləşib.

 

Müəllif:Nigar