Oxu24.com  Rusiya mətbuatına istinadən xəbər verir ki, 1930-cu illərdə Sovet lideri İosif Stalinin daçasının yerləşdiyi Mıtişi yaxınlığındakı Lipki mülkü DOM.RF saytında satışa çıxarılan obyektlər siyahısına əlavə edilib.

Platformadakı lotun təsviri obyektin yerini və xüsusiyyətlərini göstərir: "Moskva vilayəti, Mıtişi rayonu, Veşki kəndi, Lipki malikanəsi, XIX əsr." Torpaq sahəsinin ümumi sahəsi 38,4 hektardır. İcra növü və obyektin növü - binanın satışı və torpaq sahəsinin icarəsi. Kateqoriya - xüsusi mühafizə olunan ərazilərin və obyektlərin torpaqları.

Hazırda obyektin hərracda satışa çıxarılması üçün lazımi sənədlərin hazırlanması prosesi gedir. “Vedomosti”nin məlumatına görə, obyektin dəyəri 400-500 milyon rubl qiymətləndirilir.

Lipki kompleksi əvvəllər istehsalçı Rupertin malikanəsi idi və 1989-cu ilə qədər hökumət daçası kimi xidmət etdi. Qeyd etmək lazımdır ki, 1932-ci ildən 1934-cü ilə qədər İosif Stalin bu mülkdə daimi yaşayıb.

Müəllif: Miri  Məcidli