Birləşmiş Ərəb Əmirlikləri aktiv şəkildə rus maliyyəçiləri cəlb edir

Mövcud geosiyasi vəziyyət fonunda Birləşmiş Ərəb Əmirlikləri rus bankirlərini yerli maliyyə institutlarında işləmək üçün fəal şəkildə cəlb edir.

Emirates NBD və First Abu Dhabi Bank kimi ölkənin ən böyük bankları varlı ruslara xidmət göstərmək üçün xüsusi bölmələr yaradır.

Oxu24.com xəbər verir  ki,bu barədə WSJ məlumat yayıb.

Mənbələrin bildirdiyinə görə, əmirliklər mövcud geosiyasi vəziyyətdən və iqtisadi konyukturadan qəsdən istifadə edərək, Rusiyanın maliyyə sektorundan yüksək ixtisaslı mütəxəssisləri fəal şəkildə özlərinə cəlb edirlər.

BƏƏ faktiki olaraq Rusiya biznesi ilə əməkdaşlığa hazır olduğunu açıq şəkildə bəyan edən azsaylı dövlətlərdən birinə çevrilib. Əmirliklər Qərbin Rusiya Federasiyasına qarşı sanksiyalarına qoşulmadı və bu, rusiyalı maliyyəçilərin və investorların axını üçün münbit zəmin yaratdı.

Analitiklərin proqnozlarına görə, yaxın gələcəkdə BƏƏ-nin bank sektorunda çalışan rusiyalıların sayı xeyli artacaq. Beləliklə, əmirliklər Rusiyadan gələn kadrlar və kapital hesabına öz maliyyə sektorunu daha da gücləndirə biləcəklər.

Avqustun əvvəlində “The New York Times” ABŞ-ın BƏƏ-nin Amerika maraqlarına məhəl qoymamasından şübhələnməyə başladığını yazmışdı.

 

Müəllif: Nigar