Konqoda  7 ayda 230 nəfər vəbadan ölüb

Birləşmiş Millətlər Təşkilatının Uşaq Fondu (UNICEF) Konqo Demokratik Respublikasında (KDC) 7 ayda 230 nəfərin vəbadan öldüyünü açıqlayıb.

Oxu24.com xəbər verir  ki,UNICEF-in KDC koordinatoru Şameza Abdulla tərəfindən edilən yazılı açıqlamada, 7 ayda əksəriyyəti uşaqların 31 mindən çox insanın vəba xəstəliyindən şübhələndiyi və ya təsdiqləndiyi bildirilib.

Açıqlamada ilin 7 ayında vəba səbəbiylə 230 nəfərin həyatını itirdiyi vurğulanıb, “Vəba epidemiyasının böyüklüyü və təhdid etdiyi təxribat həyəcan təbili çalır”,-deyə qeyd edilir.

Təcili tədbirlər görülməsə, epidemiyanın ölkəni daha çox təsir edə biləcəyinə diqqət çəkilərək, münaqişələr səbəbilə evlərini tərk etmək məcburiyyətində qalan insanların vəziyyətdən mənfi təsirləndiyi bildirilib.

2017-ci ildə KDC-də baş verən vəba epidemiyasında ən azı 1000 adam öldü.

“Vibrio” bakteriyasının törətdiyi və qida və su ilə yoluxan vəba orqanizmdə şiddətli ishal və susuzluğa səbəb olur. Xəstəlik müalicə olunmazsa ölümcül ola bilər.

Ölkədə təmiz suyun olmaması ilə yanaşı, səmərəsiz tibbi müdaxilə də xəstəlik və ölüm riskini artırır.

KDC-də malyariya, poliomielit, tif qızdırması və meymun çiçəyi kimi epidemiyalar da yaygındır.

 

Müəllif: Nigar