Daxili İşlər Nazirliyi Rusiyada İnterpolun səlahiyyətlərini məhdudlaşdırıb

Rusiya Daxili İşlər Nazirliyi İnterpolun ölkə  ərazisində səlahiyyətlərini məhdudlaşdırıb.

 

Oxu24.com xəbər verir  ki,müvafiq sərəncam hüquqi informasiyanın rəsmi portalında dərc olunub.

 

Sənədə əsasən, İnterpol artıq Rusiya Federasiyasında əməliyyat-axtarış fəaliyyəti həyata keçirə bilməz.

Qadağaya əsasən, telefonların dinlənməsi, poçta nəzarət, eləcə də müşahidə, binaların yoxlanılması daxildir.

Bundan sonra təşkilata yalnız sorğular keçirməyə və Rusiya hüquq-mühafizə orqanlarından məlumat tələb etməyə, həmçinin onu maraqlandıran vətəndaşları müəyyən etməyə icazə verilir.

İnterpol 195 dövlətin daxil olduğu ən böyük beynəlxalq polis təşkilatıdır.

Rusiya İnterpola 1990-cı ildə qoşulub. 1996-cı ildən Daxili İşlər Nazirliyinin strukturunda İnterpol xətti ilə beynəlxalq polis əməkdaşlığı ilə məşğul olan İnterpolun Milli Mərkəzi Bürosu fəaliyyət göstərir.

Xatırladaq ki, 2022-ci ildə Böyük Britaniya Daxili İşlər Nazirliyinin rəhbəri İnterpolu Rusiyanın təşkilat sisteminə çıxışını məhdudlaşdırmağa çağırmışdı. Onun sözlərinə görə, müraciətə ABŞ, Kanada, Avstraliya və Yeni Zelandiyadan olan həmkarları da qoşulub. Rusiyanı İnterpoldan necə çıxaracaqlarını başa düşmədilər, lakin yenə də Moskvaya sorğu göndərmə sxemini dəyişdilər.

 

Müəllif: Nigar