Trampı zəhərləməyə cəhd etdiyi üçün 22 il həbs edildi

Kanadalı qadın ABŞ-ın keçmiş prezidenti Donald Trampa tərkibində risin olan məktub göndərdiyinə görə 22 ilə yaxın həbs cəzasına məhkum edilib.

 

56 yaşlı Paskal Ferrier yanvar ayında günahını etiraf etdi, lakin DC Rayon Məhkəməsinin hakimi bu günə qədər hökmü çıxarmamışdı.

 

Oxu24.com xəbər  verir  ki,bu barədə Associated Press məlumat yayıb.

 

56 yaşlı qadın belə məktubları təkcə Trampa deyil, 2019-cu ildə bir neçə həftə həbsdə olduğu Texas ştatının polis əməkdaşlarına da göndərdiyini etiraf edib.

 

2020-ci ilin sentyabrında prokurorlar Ferrierin Kvebekdəki evində lobya emal edərək risin istehsal etdiyini söylədi. Zəhərlə birlikdə göndərdiyi məktubda o, ABŞ-ın keçmiş prezidentini “çirkin tiran təlxək” adlandırıb və söz verib ki, əgər bu işə yaramasa, daha yaxşı yol tapacaq və ya silahdan istifadə edəcək.

Məhkəmənin yekun nitqində qadın özünü "dinc və həqiqətən xeyirxah insan" hesab etdiyini, lakin ədalətsizlik, hakimiyyətdən sui-istifadə və "axmaq qaydalar" kimi məsələlərdən qəzəbləndiyini söylədi.

O, çox peşman olduğunu bildirməsə də, "məqsədlərinə çatmaq üçün dinc yollar tapmaq istədiyini" bildirib.

Ferrier azadlığa çıxdıqdan sonra ölkədən qovulacaq və Kanadaya qayıtdıqdan sonra ömürlük nəzarət altında olacaq.

 

Müəllif: Miri Məcidli