İranın 269 şəhəri su böhranından əziyyət çəkir

İranda 269 şəhərin su böhranı yaşadığı bildirilib və onlardan qənaətlə istifadə edilməsinə çağırış edilib.

Oxu24.com xəbər verir ki,İranın İşçi Xəbər Agentliyinin (ILNA) məlumatına görə, Su Sənayesi sözçüsü Haşim Əmini ölkənin su problemi və quraqlıqla mübarizə strategiyası ilə bağlı mətbuat konfransı keçirib.

İran rəsmisi ölkənin 269 şəhərində su böhranı olduğunu bəyan edərək, “Məşhədin suyunu təmin edən Dostluq bəndi ağır vəziyyətdədir, Təbrizdə Nəhənd bəndi quruyub”.,- bildirib.

Zencan və Tabas yeraltı sularının və Sistan-Bəlucistandakı gölməçələrin təhlükədə olduğunu bildirən Əmini ölkədəki bəndlərdəki suyun qənaətlə istifadə edilməsinin lazım olduğunu vurğulayıb.

İranın vitse-prezidenti və Ətraf Mühitin Mühafizəsi Agentliyinin rəhbəri Əli Selaceke də ötən həftə quraqlıq səbəbindən suyun səviyyəsinin aşağı düşdüyü Urmiya gölünün vəziyyətinin yaxşı olmadığını və problemin beynəlxalq xarakter daşıdığını bildirib.

İranlı ekspertlərin fikrincə, ölkədə su böhranı “yaşayış sahəsinin kiçilməsini, iqtisadi, sosial və mədəni münaqişələri” özü ilə gətirir.

İrandakı quraqlıq və administrasiyanın su ehtiyatlarını idarə edə bilməməsi son illər ölkənin bəzi əyalətlərində etirazlara səbəb olub.

 

Müəllif: Nigar