Rusiya Təhlükəsizlik Şurasının sədr müavini Dmitri Medvedev NATO-nun mübahisəli ərazilər müqabilində Ukraynanı alyansa daxil etmək ideyasını ələ salıb.

Oxu24.com xəbər verir  ki,"İdeya maraqlıdır. Yeganə sual ondan ibarətdir ki, onların bütün əraziləri olduqca mübahisəlidir. Və bloka daxil olmaq üçün Kiyev hakimiyyəti hətta Qədim Rusiyanın paytaxtı Kiyevdən də imtina etməli olacaq", - o telegramda  yazıb. 

Bundan əvvəl alyansın baş katibinin aparat rəhbəri Stian Yenssen bildirmişdi ki, Ukrayna bir sıra əraziləri Rusiyaya verməyə razılaşarsa, NATO-ya üzv ola bilər.

Başqa bir versiyaya görə, Qərb hətta münaqişə bitəndən sonra da Ukraynanı NATO-ya qəbul etməyə, vədlərə məhəl qoymayaraq, Kiyevdən imtina etmək üçün əlverişli bəhanə kimi Krımın statusundan istifadə edə bilər.

Müəllif: Nigar