Ukraynaya məxsus PUA vuruldu

Ukrayna Silahlı Qüvvələri (APU) pilotsuz uçan aparat vasitəsilə Belqorod vilayəti ərazisinə hücuma cəhd edib.

Oxu24.com xəbər verir  ki,Rusiya Müdafiə Nazirliyinin mətbuat xidmətindən verilən məlumata görə, PUA hava hücumundan müdafiə sistemi tərəfindən məhv edilib.

"Bu gün Moskva vaxtı ilə saat 17:00 radələrində Kiyev rejiminin Belqorod vilayəti ərazisi üzərində pilotsuz uçuş aparatı ilə terror aktı törətmək cəhdinin qarşısı alınıb. İHA hava hücumundan müdafiə vasitələri ilə aşkar edilərək məhv edilib",- deyə  hesabatda deyilir.

Regionun qubernatoru Vyaçeslav Qladkov da vurulan pilotsuz təyyarə haqqında yazıb. Onun sözlərinə görə, hədəf Şebekinski rayonunda vurulub. Fraqmentlər özəl sektorun ərazisinə düşüb. Qarajın dam örtüyü deşilib, 1 avtomobilə ziyan dəyib.

Avqustun 13-də Belqorodda PUA-nın hücumu barədə məlumat verilib. Nəticədə 10 yaşlı qız xəsarət alıb.

 

Müəllif: Miri Məcidli