Rusiya üçün casusluq edənlər tutuldu

Oxu24.com xəbər verir  ki,Britaniya mediasının məlumatına görə, Böyük Britaniyada üç Bolqarıstan vətəndaşı Rusiyaya casusluq etdiyi üçün həbs edilib.

Müttəhimlər ilkin olaraq fevral ayında Rusiya təhlükəsizlik xidmətlərində işləməkdə şübhəli bilinərək həbs ediliblər.

Onlar saxta sənədlərdən istifadə etməkdə ittiham olunurlar.

Onların əllərində şəxsiyyəti təsdiq edən sənədlər olduğu və onlardan istifadə etmək üçün “qanunsuz niyyət” olduğu iddia edilir.

Sənədlər arasında Böyük Britaniya, Bolqarıstan, Fransa, İtaliya, İspaniya, Xorvatiya, Sloveniya, Yunanıstan və Çexiya da daxil olmaqla bir sıra dövlətlərin verdiyi şəxsiyyət vəsiqələri, pasportlar və digər sənədlər olub.

Hər üçünün bir neçə il Böyük Britaniyada yaşadığı və müxtəlif vəzifələrdə çalışdığı bildirilir. Həbs edilən üç nəfərin adları bunlardır: Orlin Russev, Bizer Djambazov və Katrin İvanova. Mətbuat yazır ki, üçlük bir neçə il Britaniyada yaşayıb, Russevin hətta Rusiyada biznesi olub.

 

Müəllif: Miri Məcidli