Rumıniya kurortunda Rusiya minası partlayıb

Bazar ertəsi yerli vaxtla saat 09:00 radələrində Qara dənizdə Rumıniyanın Kostinesti kurortunda estakada yaxınlığında güclü partlayış baş verib.

Oxu24.com xəbər verir  ki,Digi24 telekanalının məlumatına görə, Rumıniya Hərbi Dəniz Qüvvələrinin mətbuat katibi, polkovnik Korenliu Pavel, ehtimala görə, Rusiya donanmasının minası partlayıb, itki yoxdur.

 

Pavelin sözlərinə görə, partlayış yerindən bir qədər aralıda daha bir mina aşkarlandığı üçün yeni dalğıclar qrupu sahil mühafizə gəmisi ilə partlayış baş verən əraziyə ən qısa zamanda gedəcək.

 

Rusiyanın Ukraynaya qarşı müharibəsi başlayandan bəri Rumıniya Hərbi Dəniz Qüvvələri Qara dənizdə Rusiya donanmasının 5 minasını zərərsizləşdirib.

 

Müəllif: Miri Məcidli