İtaliyanın Siciliya adasında qeyri-qanuni mühacirləri daşıyan qayığın batması nəticəsində itən 2 nəfərdən birinin cansız cəsədi tapılıb.

Oxu24.com xəbər verir ki,İtaliyanın Ansa xəbər agentliyinin məlumatına görə, gecə saatlarında Siciliya sahillərində miqrant qayığı batıb.

Hadisədən sonra əlcəzairli olduğu bildirilən qayıqda olan 11 nəfəri xilas edən səlahiyyətlilər, itkin düşən 2 nəfərin axtarış-xilasetmə işlərinə başlayıb.

Sonrakı saatlarda sahil mühafizə qrupları 30 yaşlı kişinin cansız cəsədini tapıb, itkin düşən digər şəxsin axtarış-xilasetmə işləri davam edir.

45 qeyri-qanuni miqrant xilas edilib

Daha bir miqrant qayığı Lampeduza adasında batıb.

Ekipajlar tərəfindən qayıqdan xilas edilən 45 qeyri-qanuni miqrantın Burkina Faso, Kamerun, Fil Dişi Sahili, Qambiya, Qvineya, Liberiya, Mali və Nigerdən olduğu və Avropaya keçməyə çalışdıqları açıqlanıb.

Səlahiyyətlilər dünən gecədən bəri Lampeduza adasına 390-a yaxın qeyri-qanuni miqrantın gəldiyini açıqlayıb.

Avqustun 9-da qeyri-qanuni miqrantları daşıyan gəminin Lampeduza adasında batdığı və 41 nəfərin həyatını itirdiyi bildirilib.

Beynəlxalq Miqrasiya Təşkilatının (IOM) məlumatlarına görə, 2014-cü ildən bəri Liviya və Tunisdən İtaliyaya keçmək istəyərkən 14 mindən çox insan dənizdə ölüb və ya itib.

Müəllif:Nigar