İran  uranın zənginləşdirilməsi sürətini azaldıb

İran yüksək zənginləşdirilmiş uran ehtiyatlarının yaradılması tempini aşağı salıb və bu, bu payızda ABŞ-la nüvə məsələləri üzrə danışıqların bərpası istiqamətində bir addım ola bilər.

 

Oxu24.com xəbər verir ki,bu barədə “The Wall Street Journal” mənbələrə istinadən məlumat yayıb.

İran həmçinin əvvəllər toplanmış zənginləşdirilmiş uran ehtiyatlarının bir hissəsinin zənginləşdirmə səviyyəsini azaldıb.

Qəzetin yazdığına görə, Tehran nüvə məsələsində ABŞ-la danışıqların yenidən başlaması səyləri çərçivəsində belə addımlar atıb.

The Wall Street Journal-ın məlumatına görə, ABŞ administrasiyasının rəsmiləri əvvəllər İrana bildiriblər ki, Tehran yayda nüvə proqramını azaltmaq üçün konkret addımlar atacağı təqdirdə, 2022-ci ilin payızında faktiki olaraq başa çatan danışıqlara yaxın aylarda qayıtmağı nəzərdən keçirməyə hazırdırlar.

Nəşr qeyd edir ki, İran hələ də 60% zənginləşdirilmiş uranın əhəmiyyətli ehtiyatlarını saxlayır ki, bu da iki nüvə qurğusu yaratmaq üçün kifayət edə bilər.

Bundan əvvəl məlum olmuşdu ki, ABŞ və İran da əsirlərin mübadiləsi ilə bağlı razılığa gəlib və bu razılaşmalar çərçivəsində Tehran ABŞ-da dondurulmuş aktivlərindən 6 milyard dollar alacaq.

 

Müəllif:Miri Məcidli