Ekvadorda prezidentliyə namizədə sui-qəsd: Kolumbiyalılar həbs edilib

Ekvador hakimiyyəti korrupsiyaya qarşı çıxış edən Ekvador prezidentliyinə namizədi öldürməkdə şübhəli bilinən 6 Kolumbiya vətəndaşını həbs edib.

 

Oxu24.com xəbər verir  ki,Associated Press-in əldə etdiyi polis hesabatına görə, həmin şəxslər Ekvadorun paytaxtı Kitoda evdə gizlənərkən saxlanılıb.

 

Xəbərdə deyilir ki, polis həmçinin dörd ov tüfəngi, 5,56 millimetrlik tüfəng, döyüş sursatı və üç qumbara, həmçinin bir avtomobil və bir motosiklet ələ keçirib.

Narkotik kartellərinə qarşı çıxışları ilə tanınan 59 yaşlı Fernando Villavicencio, növbədənkənar prezident seçkilərinə iki həftədən az qalmış çərşənbə günü Kitoda öldürülüb. O, seçki yarışının lideri deyildi, lakin onun ölümü artıq minlərlə insanın həyatına son qoyan mütəşəkkil cinayətkarlıqla bağlı böhran hissini gücləndirdi.

Ekvadorun daxili işlər naziri Xuan Zapata bu sui-qəsdi avqustun 20-də keçiriləcək prezident seçkilərini sabotaj etmək məqsədi daşıyan “terror xarakterli siyasi cinayət” adlandırıb.

 

Müəllif: Nigar