Cənubi Koreya və ABŞ  birlikdə işləyəcək

Cənubi Koreya və ABŞ mümkün epidemiyalara hazırlaşmaq üçün əməkdaşlıq edəcəklər.

 

Oxu24.com xəbər verir  ki,Korea Biomedical Review xəbərinə görə, Cənubi Koreya Milli Yoluxucu Xəstəliklər İnstitutu (NIID) ortaya çıxa biləcək yoluxucu xəstəliklərə hazırlıq üçün ABŞ Milli Allergiya və Yoluxucu Xəstəliklər İnstitutu (NIAID) ilə əməkdaşlıq edərək klinik araşdırmalara başladığını açıqlayıb.

 

“STRIVE” adlı klinik sınaqda ilk olaraq COVID-19 xəstələri üçün yeni hazırlanmış virus əleyhinə və immunomodulyator preparatların müayinəsi planlaşdırılır.

 

Yerli xəstəxanalar və tədqiqatçılar, mümkün bir epidemiyaya hazırlıq üçün başladığı elan edilən STRIVE-ın klinik sınaqlarında iştirak edə biləcəklər.

 

NIID direktoru Jang Hee-chang bildirib: "Biz yoluxucu xəstəliklər üçün yeni müalicə üsullarını inkişaf etdirmək və NIAID ilə yanaşı ortaya çıxan yoluxucu xəstəliklərə cavab vermək qabiliyyətimizi gücləndirmək üçün dünyanın əsas klinik tədqiqat mərkəzləri ilə qlobal klinik sınaq əməkdaşlıq sistemimizi davam etdirəcəyik." 

 

Müəllif:Afət