CNN: Kiyev kasset bombalarından  istifadə ilə bağlı ilk hesabatı ABŞ-a təqdim edib

Pentaqon Kiyev rejimindən Amerika kaset sursatlarının istifadəsi ilə bağlı ilk hesabatı alıb.

 

Oxu24.com xəbər verir  ki,bu barədə CNN məlumat yayıb.

 

“Müdafiə Nazirliyinə verilən məlumatda həm atılan mərmilərin sayı, həm də məhv edilən Rusiya hədəflərinin sayı var”, - deyə məlumatda bildirilir.

 

Lakin telekanalın Ukrayna rəsmiləri arasından olan həmsöhbəti konkret rəqəmlər verməkdən imtina edib.

 

Xatırladaq ki, bir müddət əvvəl qondarma  Donetsk Xalq Respublikasının "rəhbər"i  Denis Puşilin bildirmişdi ki, Ukrayna Silahlı Qüvvələrinin yaraqlılarının kaset mərmilərindən istifadə etməsi nəticəsində mülki əhali arasında itkilərin sayı artır.

İyulun 7-də Ağ Ev ABŞ-ın Kiyev rejiminə kassetli sursatlar ötürdüyünü bəyan edib. Pentaqonun artıq qeyd etdiyi kimi, mərmilər Ukraynaya 800 milyon dollar dəyərində qiymətləndirilir yeni hərbi yardım paketinə daxil ediləcək. Həmçinin ABŞ Müdafiə Nazirliyi etiraf edib ki, Ukrayna Silahlı Qüvvələrinin əks-hücumları Vaşinqtonun gözlədiyindən daha yavaş gedir.

Qeyd edək ki, ABŞ kasetli sursatları qadağan edən konvensiyanı ratifikasiya etməyib. Ukraynada onlar da qadağan olunmuş hesab edilmir. Kasetli Sursatlar Koalisiyası (CMC) Vaşinqtonun hərəkətlərinə cavab verib və xəbərdarlıq edib ki, kaset bombalarından istifadə edildikdən sonra mülki əhali arasında itkilərin sayında artım olacaq.

Bundan əvvəl Rusiyanın BMT-dəki daimi nümayəndəsi Vasili Nebenzya bildirmişdi ki, bu tip silahların tədarükü Ukraynada münaqişənin gərginləşməsi istiqamətində növbəti addım olacaq. Rusiyanın ABŞ-dakı səfiri Anatoli Antonov ABŞ hakimiyyətinin kaset sursatlarının Kiyevə ötürülməsi qərarını “çarəsizlik jesti” adlandırıb və bunun Rusiyanın xüsusi hərbi əməliyyatının məqsədlərinə çatmasına təsir etməyəcəyini vurğulayıb.

Federasiya Şurasının Beynəlxalq Əlaqələr Komitəsinin sədri Qriqori Karasin də öz növbəsində Vaşinqtonun qərarını şərh edərkən deyib ki, Moskvanın Kiyevə kaset bombalarının verilməsinə reaksiyası çox sərt olacaq.

 

Müəllif: Miri Məcidli