İtaliyanın Siciliya bölgəsinin cənub-qərb sahillərində aktivliyi hələ müəyyən edilməyən üç sualtı vulkan tapılıb.

Oxu24.com xəbər verir ki,ABŞ, İngiltərə, Almaniya, Yeni Zelandiya və Maltanın müxtəlif universitetlərinin tədqiqatçıları Siciliyanın cənub-qərb sahillərində dəniz dibini tədqiq ediblər.

Ətrafdakı dəniz dibindən 150 metr yüksəklikdə aşkar edilən 3 vulkanın ən azı 6 kilometr enində olduğu müəyyən edilib.

Sözügedən vulkanların 2019-cu ildə İtaliya Milli Okeanoqrafiya və Tətbiqi Geofizika İnstitutu (OGS) tərəfindən kəşf edilən vulkanlar seriyasının bir hissəsi olduğu müəyyən edilib.

OGS qrupları iyulun 16-dan avqustun 5-dək bölgədə apardıqları işlər zamanı vulkanik daş nümunələri toplayıb.

Tədqiqatçı Dario Civile üç vulkanın kəşfini "Aralıq dənizinin dibi ilə bağlı mühüm kəşf" kimi qiymətləndirib.

Bölgədə hidrotermal fəaliyyətlər təsbit etdiklərini, lakin vulkanların aktiv olub-olmadığını müəyyən etmək üçün hələ tez olduğunu ifadə edən Sivil, qrupların əvvəlcə toplanan vulkanik daş nümunələrini araşdırmalı və bu çərçivədə seysmik profillər etməli olduqlarını bildiriblər.

Müəllif:Afət