Fransada müsəlman gəncləri öldürməkdə ittiham olunan 5 polis məmuru saxlanılıb

Fransada iyunun 27-də 17 yaşlı Nael M.-nin polis gülləsi ilə öldürülməsinə cavab olaraq Marseldə başlayan nümayişlər zamanı müsəlman gənci öldürməkdə günahlandırılan 5 çevik qüvvət polisi saxlanılıb.

Oxu24.com xəbər verir ki,Fransada Marsel prokurorunun verdiyi açıqlamaya görə, iyulun əvvəlində Marseldə keçirilən nümayişlər zamanı Məhəmməd Bendriss adlı müsəlman gənci öldürməkdə günahlandırılan 5 çevik qüvvət polisi saxlanılıb.

Bundan əlavə, Milli Polis Təhqiqat Bölməsi (IGPN) hadisənin şahidi olduqlarını əsas gətirərək 20-yə yaxın polisi ifadə verməyə çağırıb.

Evinin qarşısında yerdə tapılan və xəstəxanaya aparılarkən öldüyü təsbit edilən Bendrissin cəsədini müayinə edən həkimlər müsəlman gəncin sinəsinə dəyən rezin güllə ilə ölmüş ola biləcəyini bildiriblər.

Həkimlər hadisəni bildirdikdən sonra IGPN araşdırmaya başlayıb və bu çərçivədə əldə etdiyi 3 kamera görüntüsünü araşdırıb.

Sözügedən polis məmurlarının ifadələrini alan IGPN-in yeniyetmənin ölümü ilə bağlı araşdırmanın nəticəsini yaxın vaxtlarda açıqlaması gözlənilir.

Müsəlman gənc polis zorakılığının qurbanı

Marseldə də eyni nümayişlərdə 4 polis daha bir müsəlman gəncə qarşı kütləvi zorakılıq ittihamı ilə saxlanılıb.

Gəncin kəllə sümüyünün sınığına səbəb olan gülləni vurmaqda təqsirləndirilən polis məmurlarından biri avqustun əvvəlində çıxdığı məhkəmədə həmin gün rezin güllə ilə atəş açdığını etiraf edib.

Polis zorakılığına qarşı bir gün davam edən nümayişlər

İyunun 27-də Nael M. adlı 17 yaşlı müsəlman gəncin polis gülləsi ilə öldürülməsindən sonra ölkə daxilində keçirilən nümayişlər zorakılıq səhnəsinə çevrilib.

Naelin ölümünə reaksiya verənlər ölkənin müxtəlif şəhərlərində küçələrə çıxaraq polislə toqquşdular.

Paris, Marsel və Lion da daxil olmaqla bir çox şəhərdə keçirilən etiraz aksiyalarında talan və qarət hadisələri baş verib.

 

Müəllif: Miri Məcidli