Qatar aşdı:Xeyli sayda ölü var

Pakistanın cənubunda qatarın toqquşması nəticəsində azı 15 nəfər ölüb.

 

Oxu24.com xəbər verir  ki,bu barədə Geo News kanalı polisə istinadən xəbər verir.

 

Ekspress qatarın 10 vaqonunun relsdən çıxması nəticəsində daha 50 sərnişinin xəsarət aldığı qeyd edilir.

Onlara bütün lazımi tibbi yardım göstərilir.

Qatarın Kəraçidən Abbottabad istiqamətində hərəkət etdiyi məlum olub. Eyni fəlakət Pakistanın Sind əyalətində Nəvabşah şəhəri yaxınlığında baş verib.

Hazırda faciə yerində xilasetmə əməliyyatları təşkil edilir. Yaxınlıqdakı xəstəxanalar artıq fövqəladə vəziyyət elan ediblər.

Bundan əvvəl Fransanın Nitsa şəhərində turist qatarı vaqonunun aşdığı bildirilirdi. Hadisə nəticəsində 11 nəfər xəsarət alıb, onlardan üçü tibb müəssisələrinə yerləşdirilib.

 

Müəllif:Aynurə Məcidova