Rusiya xarici işlər nazirinin müavini Sergey Ryabkov bildirib ki, avqustun 6-da Rusiya Ciddə görüşündə iştirak edən BRİKS tərəfdaşları ilə Səudiyyə Ərəbistanında Ukrayna üzrə məsləhətləşmələrin nəticələrini müzakirə edəcək.

Oxu24.com-un TASSA- a  istinadən məlumatına görə, Ryabkovun sözlərinə görə, Moskvada belə bir anlayış var ki, Ciddə hadisələrinin nəticələrindən sonra Moskva BRİKS iştirakçıları ilə dialoqa girəcək və bu məsələ ilə bağlı onlarla fikir mübadiləsi aparacaq.

"Bizimlə müxtəlif səviyyələrdə orada olmuş BRİKS iştirakçıları arasında dialoq, müvafiq fikir mübadiləsi aparılacaq", - Ryabkov bildirib.

Xatırladaq ki, Səudiyyə Ərəbistanında avqustun 5-dən 6-dək Ukrayna üzrə 40 ölkənin iştirak etdiyi danışıqlar aparılır. Rusiya bu məsləhətləşmələrdə iştirak etmir, lakin ABŞ, Britaniya, Cənubi Afrika, Polşa və Avropa İttifaqından nümayəndələr var.

Eyni zamanda Almaniyanın xarici işlər naziri Annalena Burbok Səudiyyə Ərəbistanında keçirilən görüşdə Cənubi Afrika, Çin və Braziliya nümayəndələri ilə fikir ayrılıqlarının yarandığını bildirib. Burbokun fikrincə, bu ölkələrin baxışı Avropanın baxışından fərqlidir.

Rusiya Xarici İşlər Nazirliyi Ukraynadakı münaqişə ilə bağlı qərarların Moskvanın iştirakı olmadan siyasi səviyyədə müəyyənləşdirilməsi ideyasını absurd adlandırıb.

Müəllif: Miri Məcidli