ABŞ prezident seçkilərində iştirak edən Kristi Ukraynaya səfər edib

ABŞ-da 2024-cü ildə keçiriləcək prezident seçkilərinə namizəd olan keçmiş Nyu Cersi qubernatoru Kris Kristi Ukraynaya səfər edib və prezident Vladimir Zelenski ilə görüşüb.

 

Oxu24.com xəbər verir  ki,"Prezident Zelenski ilə Ukraynada görüşmək və ukraynalıların Rusiyaya qarşı mübarizələrində göstərdikləri qəhrəmanlıqları öz gözləri ilə görmək mənim üçün şərəf idi. Birləşmiş Ştatlar dünyanın qalan hissəsinə məhəl qoymadan heç vaxt irəliləməyib", - Kristi deyib. 

 

Zelenski səfərlə bağlı paylaşımında Kristinin səfərinin və hadisələri öz gözləri ilə görməsinin vacibliyini də qeyd edib.

Dəstəklərinə görə bütün amerikalılara təşəkkür edən Zelenski, Rusiyaya qarşı apardıqları mübarizənin öz qələbələri ilə nəticələnəcəyinə əmin olduqlarını ifadə edib.

 

ABŞ-da Respublikaçılar Partiyasının üzvləri arasında Ukraynaya verilən dəstək haqqında müxtəlif fikirlər olsa da, Kristi prezident olacağı təqdirdə Ukraynanın müharibədə qalib gəlməsi üçün bu ölkəyə yardımı artıracağını bildirib.

 

Müəllif: Miri Məcidli