Nigerdə ​​France 24 və RFI yayımları kəsildi

İyulun 26-da Nigerdə ​​hərbçilər hakimiyyəti ələ keçirdikdən sonra Radio France 24 və RFI yayımı kəsilib.

Oxu24.com xəbər verir  ki, France 24 və RFI-nin bağlı olduğu France Medias Monde media qrupu tərəfindən edilən açıqlamada, Nigerdə ​​France 24 və RFI-nin yayımlarının qeyri-qanuni şəkildə kəsilməsini pislədiyi bildirilib.

Hərbi hökumətlərin hökm sürdüyü Mali və Burkina Fasoda France 24 və RFI yayımları həmişəlik kəsilib.

Elektrik enerjisinə və internetə çıxışın son dərəcə məhdud olduğu Qərbi Afrikada radio xəbərləri qəbul etmək üçün əsas vasitədir.

Nigerdə ​​çevriliş tərəfdarları yenidən küçəyə çıxıb
Yerli Hausa, Mandenkan və Fulfulde dillərində yayımlanan RFI Qərbi Afrikada 130 milyondan çox dinləyiciyə çatır.

Nigerdə ​​çevriliş

Nigerdə ​​prezident Məhəmməd Bazum iyulun 26-da Prezident Mühafizəsi Alayının ünsürləri tərəfindən saxlanılıb və həmin axşam hərbçilər onun hakimiyyəti ələ keçirdiyini elan ediblər.

Prezidentin Mühafizə Alayının komandiri general Abdurrahmane (Ömər) Tchiani iyulun 28-də Vətəni Müdafiə Milli Şurası (MNŞ) xuntasına rəhbərlik etməyə başlayıb və keçid hökumətinin başçısı olub.

 

Müəllif: Nigar