Rusiyada əhaliyə təlim keçirilir

Belqorod və Kursk vilayətlərində ərazi özünümüdafiə döyüşçülərinə silahlar verilib.

 

Oxu24.com xəbər  verir  ki, bu barədə Rusiya mətbuatı məlumat yayıb.

 

Qeyd olunur ki, Belqorod vilayətinin qubernatoru Vyaçeslav Qladkov atəş və psixoloji hazırlıq keçən döyüşçülərə atıcı silahlar verib.

 

Həmçinin gələcəkdə onlar Milli Qvardiya və Müdafiə Nazirliyi ilə birgə atıcılıq təlimlərində iştirak etməli olacaqlar.

 

Kursk vilayətinin qubernatoru Roman Starovoit bir neçə aydır ki, könüllülərin silahla təmin olunması məsələsini həll etməyə çalışdıqlarını bildirib.

 

Prezidentin sözçüsü Dmitri Peskov bildirib ki, silahların verilməsi "qətiyyətlə qanuna uyğun olaraq və bu sərhəd bölgəsində yerlərdə mövcud olan vəziyyətlə əlaqədar" baş verir.

O, həmçinin bildirib ki, Kreml silahın “yanlış əllərə” keçə biləcəyindən qorxmur.

İyulun 25-də Dövlət Dumasının deputatları qubernatorların döyüşçülərinə silah veriləcək öz hərbi şirkətlərini yaratmaq hüququ ilə bağlı düzəlişləri təsdiqləyiblər. Onlar səfərbərlik, hərbi vəziyyət və ya müharibə zamanı “ictimai asayişin qorunması” üçün rəsmi olaraq “dövlət unitar müəssisələri” adlandırılacaqlar.

 

Müəllif: Nigar