Bu ölkədə tik-tok bağlandı

Seneqalda TikTok sosial media platformasına giriş bağlanıb.

 

Oxu24.com xəbər  verir  ki,Rabitə Nazirliyindən verilən yazılı açıqlamada TikTok-un növbəti xəbərdarlığa qədər bloklandığı açıqlanıb.

 

“TikTok ölkənin sabitliyini təhdid edən nifrət dolu və dağıdıcı mesajlar yaymaq üçün bədxassəli insanların seçdiyi proqramdır”, - deyə məlumatda bildirilir.

 

İyulun 31-də müxalifət lideri Ousmane Sonkonun həbsindən sonra Seneqal ictimai asayişi pozacaq sosial mediada nifrət mesajlarının və mümkün küçə etirazlarının qarşısını almaq üçün mobil interneti kəsib.

Mobil məlumatların kəsilməsi 3-cü gündə də davam edir.

Sonko həbs olundu, partiyası bağlandı

Müxalifət lideri Sonko iyulun 28-i cümə günü onu lentə almaq istəyən jandarmanın mobil telefonunu zorla aldığı üçün saxlanılıb və hadisədən əvvəl tərəfdarlarını sosial şəbəkədə hərəkətə keçməyə çağırıb.

Sonko "iğtişaşa çağırmaq" ittihamı ilə həbs edilib.

Qərardan qısa müddət sonra Daxili İşlər Nazirliyi öz rəhbərləri və idarəçiləri vasitəsilə PASTEF-in öz tərəfdarlarını tez-tez üsyana çağırdığı səbəbilə ləğv edildiyini açıqlayıb.

Bu iki qərarın ardıcıllığı nəticəsində Dakarın bəzi şəhər və ətraflarında kiçik miqyaslı küçə etirazları təşkil edilib. Sonkonun bələdiyyə sədri olduğu Ziqinçor şəhərində baş verən hadisələrdə iki nəfər həyatını itirib.

Bazar ertəsi həbsdə olan müxalifət liderinin məhkəməyə gedənə qədər həbsdə qalacağı gözlənilir.

Müxalifət lideri və prezidentliyə namizəd Ousmane Sonko 1 iyun 2021-ci ildə zorlama ittihamlarından təmizlənsə də, gəncləri cinayətə təhrik etdiyinə görə iki il həbs cəzasına məhkum edilib.

Qərara etiraz edən Sonko tərəfdarları nümayişlərə başlayıb və hadisələrdə 16 nəfər həyatını itirib.

 

Müəllif: Miri Məcidli