Afrikadan Hindistana gətirilən daha bir çita öldü

Hindistanın Madhya Pradeş əyalətindəki Kuno Milli Parkında Afrikadan gətirilən çitaların doqquzuncusu ölüb.

Oxu24.com-un Hindustan Times-a istinadən  xəbərinə görə, park rəsmiləri tərəfindən verilən açıqlamada, "Dhatri" adlı dişi çitanın ölü tapıldığı və ölüm səbəbinin müəyyən edilməsi üçün yarılma aparılacağı bildirilib.

 

Fevral ayında Afrikadan gətirilən 12 çitadan 9-nun ölümü ilə indiyədək 5 yetkin və 4 körpə çita ölüb.

 

Mərkəzi hökumət dünən Kuno Milli Parkında çitaların ard-arda öldürülməsi ilə bağlı açıqlama verərək, ölümlərin təbii səbəblərdən baş verdiyini bildirib.

 

8 Namibiya çitası 2022-ci ilin sentyabrında gətirilib

 

Dünyanın ən sürətli quru heyvanı çitalarını Hindistana yenidən uyğunlaşdırmaq məqsədi daşıyan "Cheetah Project" çərçivəsində 17 sentyabr 2022-ci ildə Kuno Milli Parkına səkkiz Namibiya çitası gətirildi. Layihə çərçivəsində fevralın 18-də daha 12 Namibiya çitası gətirilib.

 

Çitalardan biri mart ayında 4 bala dünyaya gətirib.

 

Bildirilir ki, çitalar Hindistanda həddindən artıq balıq ovu və yaşayış yerlərinin itirilməsi səbəbindən tamamilə yoxa çıxan yeganə iri ətyeyən heyvandır.

 

Ölkədəki sonuncu çita 1947-ci ildə Koriya bölgəsində ölüb, çitaların nəsli kəsildiyi isə 1952-ci ildə elan edilib.

 

Müəllif: Aynurə Məcidova