İyulun 30-dan 31-nə keçən gecə Misir hökumət qüvvələrinin Şimali Sinayın Əl Ariş şəhərindəki bazasına hücum nəticəsində 8 sərhədçi və hərbçi həlak olub, 22 nəfər yaralanıb.

Oxu24.com xəbər verir  ki, bu barədə İsrailin 9-cu kanalı yazır.

Ölənlər arasında ordunun Sinay bölgəsindəki xüsusi əməliyyatlar idarəsinin polkovnik rütbəli komandiri və daha dörd yüksək rütbəli zabit də var.

Bildirilir ki, hücum edənlər bazanı fırtına ilə ələ keçirə biliblər, kimsə hücuma məruz qalan binanın içərisinə çoxlu miqdarda gözyaşardıcı qaz səpib.

Misir hakimiyyəti hələlik hadisə ilə bağlı rəsmi açıqlama yaymayıb.

Eyni zamanda yerli mənbələr hökumət qüvvələrinin qərargahının bazada həbsdə olan cihadçılar tərəfindən ələ keçirildiyini iddia edir.

Bu iddialara görə, bir neçə yaraqlı öz kameralarından azad ola bilib, silahları ələ keçirib və hüquq-mühafizə orqanlarının əməkdaşlarına atəş açıb.

Müəllif: Miri Məcidli