8 nəfər vəbadan öldü

İyulun 15-də Uqandada başlayan vəba epidemiyası səbəbindən indiyədək 8 nəfər ölüb.

 

Oxu24.com xəbr verir Uqanda Səhiyyə Nazirliyindən verilən açıqlamada ölkənin cənub-şərqindəki Namayingo bölgəsində vəba epidemiyasında can itkisinin qeydə alındığı bildirilib.

 

Namayingoda vəba epidemiyası səbəbiylə 8 nəfərin həyatını itirdiyi bildirilən açıqlamada, epidemiyanın qarşısını almaq üçün ictimaiyyətə gigiyena qaydalarına riayət edilməsi çağırışı edilib.

 

Ötən il Uqandada vəba epidemiyası nəticəsində azı 20 nəfər ölüb.

 

Afrika ölkələri arasında Burundi, Kamerun, Efiopiya, Cənubi Afrika Respublikası, Mozambik, Nigeriya, Keniya və Somali vəba epidemiyasından ən çox zərər çəkən ölkələr sırasındadır.

 

“Vibrio” bakteriyasının törətdiyi və qida və su ilə yoluxan vəba orqanizmdə şiddətli ishal və susuzluğa səbəb olur. Xəstəlik müalicə olunmazsa ölümcül ola bilər. Təmiz suya olan ehtiyacın ödənilə bilməməsi və təcili və effektiv tibbi müdaxilənin təmin edilməməsi xəstəlik və ölüm riskini artırır.

 

Tərcümə: Nigar