Danimarka Qurana hücumları pisləyir

Danimarka Qurani-Kərimin yandırılmasını pislədiyini bəyan edib.

 

Oxu24.com xəbər verir ki,"Danimarkada din azadlığı var və bir çox Danimarka vətəndaşı müsəlmandır. Onlar Danimarka əhalisinin dəyərli bir hissəsidir", - bəyanatda deyilir.

Danimarka Xarici İşlər Nazirliyindən verilən yazılı açıqlamada, "Danimarka hökuməti Qurani-Kərimin yandırılmasını pisləyir. Müqəddəs mətnlərin və digər dini simvolların yandırılması başqalarının dininə hörmətsizlik edən utanc verici bir hərəkətdir".

 

Qurani-Kərimin yandırılmasının bir çox insanı incidən, müxtəlif dinlər və mədəniyyətlər arasında ayrı-seçkiliyə səbəb olan təxribatçı bir hərəkət olduğuna diqqət çəkən açıqlamada, "Danimarkada din azadlığı var və bir çox Danimarka vətəndaşı müsəlmandır. Onlar Danimarka əhalisinin dəyərli bir hissəsidir" ifadəsi işlədilib.

Bəyanatda Danimarkanın ifadə və sərbəst toplaşma azadlığına hörmət edilməli olduğu vurğulanıb, etiraz hüququna dəstək verildiyi, lakin bunun dinc şəkildə davam etdirilməsi qeyd edilib.

Danimarkada İslam əleyhdarı və ifrat millətçi olan “Danske Patrioter (Danimarka Patriotları)” adlı marjinal qruplaşma üzvləri dünən İraqın Kopenhagendəki səfirliyi qarşısında Qurani-Kərimi yandırıblar.

İslam əleyhinə pankart açan və İslamı təhqir edən şüarlar səsləndirən qruplaşma üzvləri İraq bayrağını və Quranı yerə ataraq onun üzərinə çıxıblar.

Danske Patrioter adlı marjinal qrup daha əvvəl Kopenhagendəki Türkiyənin səfirliyi qarşısında Türkiyə bayrağına və Qurana hücum edərək İslamı təhqir etmişdi.

Danimarkanın ifrat sağçı Sıx İstiqamət Partiyasının (Stram Kurs) lideri Rasmus Paludan yanvarın 27-də Türkiyənin Kopenhagendəki səfirliyi qarşısında və Kopenhagendəki məscidin yaxınlığında Qurani-Kərimi yandırıb.

İzdihamlı polisin mühafizəsi altında keçirilən aksiyalarda heç kimin Paludana yaxınlaşmasına icazə verilməyib.

Paludanın təxribatına Türkiyə Cümhuriyyəti səlahiyyətlilərindən reaksiyalar gəlib. İstanbul 2 saylı Vəkillər Kollegiyası aprelin 18-də Paludan barəsində Kopenhagen polisinə cinayət işi qaldırıb.

 

Tərcümə:Nigar