Türkiyə vətəndaşlıq almağı çətinləşdirəcək

Türkiyədə vətəndaşlıq məəsləsi çətinləşir.

 

Oxu24.com xəbər verir ki,"Hürriyet" qəzeti diplomatik mənbələrə istinadən yazır ki, Türkiyə Avropa İttifaqına (Aİ) üzvlük prosesi çərçivəsində əcnəbilərin Türkiyə vətəndaşlığını əldə etmələrini çətinləşdirmək niyyətindədir.

“Ən vacib məsələlərdən biri olan Türkiyənin immiqrasiya siyasətində yeni addımın atılması planlaşdırılır. Bu baxımdan sığınacaq axtaran şəxslərə, xüsusilə də suriyalılara Türkiyə vətəndaşlığının verilməsinin çətinləşdirilməsi istiqamətində işlər davam etdirilir.

Yəni bundan sonra Türkiyə sığınacaq axtaranlara vətəndaşlıq verilməsində daha diqqətli olacaq.

Nəşr diplomatik mənbələrə istinadən qeyd edir ki, Türkiyə vətəndaşlığını alan miqrantlar tez-tez Avropaya daha çox səfər edirlər. Aİ və Türkiyənin əməkdaşlığı ilə miqrant axınına nəzarət etmək olar.

Türkiyə Daxili İşlər Nazirliyinin məlumatına görə, hazırda ölkədə 5 milyona yaxın miqrant yaşayır. 

Türkiyə vətəndaşlığını bu gün ən azı 400.000 dollar dəyərində daşınmaz əmlak almaqla əldə etmək olar.

 

Tərcümə:Nigar