Çin rekord həcmdə Rusiya nefti alıb

Çin hökumətinin cümə axşamı açıqladığı məlumatlara görə, iyun ayında Rusiyadan Çinə neft idxalı bütün zamanların ən yüksək həddinə çatıb.

 

Oxu24.com xəbər verir ki, bu barədə “Reuters” məlumat yayıb.

 

Neft emalı zavodları beynəlxalq standartlara endirimin azalmasına baxmayaraq, Rusiyanın ESPO qarışığını almağa davam edir.

İyun ayında Rusiyadan tədarükün həcmi 10,50 milyon metrik ton və ya sutkada 2,56 milyon barel təşkil edib.

Çin Xalq Respublikasının Baş Gömrük İdarəsinin məlumatına görə, ötən ilin eyni ayı ilə müqayisədə həcm 44% artıb.

İlin birinci yarısında Rusiyadan Çinə neft tədarükü illik müqayisədə 22% artaraq 52,61 milyon tona çatıb.

İyun ayında Səudiyyə Ərəbistanından Çinə tədarüklər 7,92 milyon ton və ya sutkada 1,93 milyon barel təşkil edib ki, bu da bir əvvəlki aydan 12% və 2022-ci ilin iyunundan 57% çoxdur.

 

Tərcümə: Nigar