Putin elektron məlumat bazalarında ruslar haqqında məlumatları qorumağa çağırıb.

Oxu24.com xəbər  verir  ki, Rusiya prezidenti Vladimir Putin Rusiya hökuməti ilə görüşü zamanı bildirib ki, ruslar haqqında məlumatları ehtiva edən elektron məlumat bazaları anonimləşdirilməli və təhlükəsiz şəkildə qorunmalıdır.

Rusiya liderinin sözlərinə görə, yalnız bu halda bazar iştirakçıları bu məlumat bazalarına çıxış əldə edə bilərlər.

“Mən dəfələrlə demişəm ki, vətəndaşlarımızı narahat edən bu cür məlumatlar anonimləşdirilməli və etibarlı şəkildə qorunmalıdır”, - prezident bildirib.

Putin hökuməti Dövlət Duması ilə birlikdə bu ilin payız sessiyasında belə bir qanun layihəsinə baxıb qəbul etməyə çağırıb.

Daha əvvəl Rəqəmsal İnkişaf Nazirliyinin rəhbəri Maksut Şadayev bildirmişdi ki, gedən İT mütəxəssisləri özbaşına Rusiyaya qayıdırlar.

Rəqəmsal İnkişaf Nazirliyinin İT mütəxəssislərinin geri qayıtması ilə bağlı məlumatlar bir sıra Rusiya şirkətlərində təsdiqlənib.

Tərcümə: Miri Məcidli